Bienvenue sur le site d'Alte Voce
-
ln la casa di minana
se voi sapete ascultà
C' he una voce zitellina
Chi si ne piatte quala
l'albitronu e lu castagnu
Chi m' anu vistu ingrandà
S'anu chi di tantu in tantu
Mi si verenu affaccà
Ci'aghju qui massi tisori
Di poi la me ghjuventu
E di sti mumenti allegri
Oramai un mi ne scordu piu.
A matina di bon'ora
U muscu di bon caffe
Chi minana priparava
Per me figliolu di re
Nantu lu gran tavulinu
Mele latte e cunfitura
Certe volta un biscutinu
Co magnavu cu gran primura.
Si passava la ghjurnata
Cun dulcezza e allegria
Sinamente à la serata
À ghjucà inseme in armunia.
Una vita cusi tranquilla
Senza ave nissu castichi
A campa cu a natura
A mezu li nostri amichi
Ma quantu n'aghju rigretti
Di sta vita paisana
Di sta ghjente cusi bravi
Chi so partuti qualla.
C'era Cece u capraghju puru e sinceru,
Lalola e zia Livia di u topu, e piu brave
C'era Graziosu, Toto, zi Petru, Antone di u caffe.
Zu Pichjarinu, Ghjasipolu, Matteu, Meme e Santacho,
Ghjuliu di e Piazze, ziu Petru calabranu
E za Livia barachedda
È dapoi tant' annate
Tutt'issu vecchju passatu
A u filu di e staghjone
N'un s'he micca scancellatu
ln la casa di minana
Se voi sapete asculta
C'he sta voce zitellina
Chi si ne piatte qualà.
Ci'aghju qui massi tisori
Di poi la me ghjuvenru
È di sti mumenti allegri
Oramai un mi ne scordu piu
-
Aghju in ment' una gattiva stonda,
chi m'he accaduta, tant'anni fa.
si n'he andata la me zitelluccia.
Maria-Petra, s'avia da chjama.
Bruna cu l'ochji verdi, saria stata,
dulcerosa e bella, cum'e un fiore,
un surisu, sempre, a le so labbre,
Maria-Petra, ciuccia di u so babbà,
Li saria piaciutu le fureste,
ventu, mare fium' e, alte muntagne
L’animali, a musica, a puesia,
Maria-Petra, n'ha pussutu campa,
Cum'e un tupacciu, addurmintatu,
chi ogni tantu fraga, per discità
issu vecchju, ricordu, cusi stranu.
Maria-Petra, n'un ti possu scurdà
Issu vecchju, ricordu, cusi stranu
Maria-Petra, n'un ti possu scurdà.
-
Tanti signozzi e addisperi
Per quelli d'oghje è queli d'eri
Tanti pienti è grandi dulori
Quantu lacrime a crepa core
N'hè inghjeluside li giuvanotti
ln questa di li vostri aggrotti
N'hè inghjeluside li giuvanotti
ln questa di li vostri aggrotti
Le vostre cime so invigliati
Muntagne in tutte stagione
Tante ghjente n'hè so beate
Cun'ventu è sole 0 nivaghjone
Cantanu le vostre vadine
D'aeque pure e cristalline.
È ch'ellu sia u Monte Cintu
Punta Minuta incu lu Falu
Bella Licciola incu Verdattu
A Paglia Orba è u Tafunatu
A Punta Artica incu lu Tozzu
Fiera Maniccia cun lu Timozzu
Quessi so siti di gran rispettu
Ci vole à mentenne l'usu
È quellu chi a vole fa soiu
D'impatruniscesi d'issu locu
Tandu si chi a dotta hè cara
Di a so vita ellu ne paga,
Muntagne bianche è luminose
Vestute o nude sempre pumpose
Bramade site per ogni cose
Spessu è tantu tradimentose
Tutti l'ani in le vostre zene
Di piglia vite vi cunvenne.
-
A terra Corsa trema di sperenza
Daretu a l'omi pieni de putenza
Battianu per a ricunnicenza
Incu a fede u curaghju e fratellanza
Fiancu a fiancu incù cuscensa
Luttendu per a nostr'indipendenza
Ardenti omi fieri e cu onore
Per la so terr'amata c'era l'amore
Pronti acasca guerrieri di valore
Senza teme di more cu gran dulore
Moru stampatu e cu furore
Eranu pronti a da sangue e core
A lotta marchja per sciogle e catene
Per a Liberta chi ghje pronta a vene
Oghje rinasce la mossa di l'avenne
E di cantala a noi ci cunvene
Sbuccia lu fiore di l'andatura
Per purta in altu a nostra cultura
-
So pertuti una mane d'autornu
Lascendu Famiglie ' paese a l'intornu
Cun prumessu di vulta a lu piu prestu
Ch'issa guerra un puddia dura tantu
D'altri omi s'anu pigliatu a macchja
Per difende cun curaghju la so terra
Cumpunendu iss'armata tantu cara
Résitenza da tutti n'he fu chjamata
Ma ci so in quelli tempi
ch'anu fattu li so affari
vindendu a prezzu d'oru
roba e Cristiani ancu
E sta ghjente impuniti
accibati senza pinseri
avendu accunsulatu
dapoi grande tisoru
Chi ne fatte di Ii vostri midaglioni
S'elli un so in qualchi scornu pulverosu
Voi i stroppi e i ferriti, erati tutti Lioni
Ma di voi oghje n'un 'anu piu bisognu
Qualle so si nomi guasgi scurdati
Nantu a petra scritti e puru'ancu zuccati
S'elli un so oramai guasgi squassati
Pocu mondu pensanu a sti suldati
Pulizz'e gendarmeria
Arristendu e pastughjendu
Omi di la so Patria
propiu so duveru Fendu
A milizia vitepuria
La so razza tradicendu
Senza ave nisun vergogna
D'issu perghjuru trimendu
Cursichella he statt'in prima liberata
Da Ii so figlioli guerrieri d'iss'armata
Ell'anu sapiutu fa ch'un si puddia campa
Sottumessi nantu a terra di Liberta
-
Ne so allegru sta sera di u lu incontru ave fattu
E dicu a la mo manera chi so lebiu e spinseratu
Sapiendu chi ella durera iss’amor’oghje natu
Chi d’avetti a lu mo fiancu cusi bella turturella
Chi d’avetti a lu mo cantu n’he sprichjatta issa riturnella
Bella bella cume un fiore chi spernu s’e sa prufumà
Dolce e dolce cume l’amore chi rallegra e sa medica
Cant’e incanta di la so voce cume u sole e sa riscalda
Ella a me stella di vita chi da forza core per rinunzia
So circava un lampione,per schjaritu u mio caminu
e fiuri le mio canzone,imbarsendu lu destinu
tu nantu a lu mio stradone, ai squassatu u turmentu
ch'importanu le raghjone,mi ne trovu sempre cuntentu
ch'importanu le staghjone, furtunatu sempr'eiu mi sentu
